Tokiko Agenda 21 prozesu dinamikoa, etengabea eta parte-hartzailea da. Eztabaidaren eta hausnarketaren bitartez, herritarrek euren inguruneko ingurumen, gizarte eta ekonomia arloko arazoak identifikatzen dituzte. Helburua udalerrien ekonomia, gizarte eta ingurumenaren iraunkortasunean oinarritutako garapen eredu berria martxan jartzea da.

Zure udalerrian gertatzen denaren berri izan nahi al duzu? Ekintzak, jardunaldiak, ikastaroak...

Enkarterrialde Landa Garapenerako Elkartearen menpekoa den ENKARTERRI@alde21 garapen iraunkorrerako Enkarterri eskualdeko bulegoaren www.al21.biz orrira sar zaitez edo Facebooken AL Enkarterri profilean jarrai iezaguzu.

Ihobek, Udalsarea 21eko (Jasangarritasunaren aldeko Euskal Udalerrien Sarea) idazkaritza teknikoak, Tokiko Agenda 21eko Ebaluaketa eta Jarraipen programak sustatzen ditu. Galdames, Gordexola, Sopuerta, Karrantza eta Zallako Udalek urtero hartzen dute parte ebaluaketa eta jarraipen programa horretan.

Tokiko Ekintza Planen ebaluaketa eta jarraipena egiteko laguntzeko zerbitzuak laguntza teknikoa eskaintzen die udalei, bertako ebaluaketa, jarraipen eta Tokiko Agenda 21eko programazioak dinamizatzeko. Zerbitzu honen bidez, hainbat tresna eskuragarri jartzen dira udalentzat, besteak beste, MUGI 21 aplikazio informatikoa, EHAEko Tokiko Iraunkortasunaren Denen Adierazleak, Adierazleak kalkulatzeko laguntza, Ekobarometroak eta Tokiko Ekintza Planak gauzatzeko modua ebaluatzeko metodologiaren bidez. Adierazlearen kalkulua, zein Tokiko Ekintza Planen urteroko programazioa eta ebaluaketa prozedura MUGI 21ean oinarritzen da, Tokiko Agenda 21eko prozeduren kudeaketa eredu bateratua osatuz, eta Udalsarea 21eko udalerri guztiek partekatzen dute. Enkarterrialdearen menpe dagoen ENKARTERRI@alde21, garapen jasangarria bultzatzeko eskualdeko 21 bulegoak, ebaluaketa eta adierazleak kalkulatzeko behar diren lanak egiten ditu.